قـيدوني بالجنـزير عشـان ما أروحـش لأبـويا ج 1 حكـايات مني السيد

اردة واحدة تانية خالص.
في ديوان القسم، الأمور كانت والعة. الفيديوهات اللي اتبعتت للشركات ولجروبات نقابة المهندسين عملت ڤضيحة مالهاش أول من آخر.
تليفون طارق كان مقفول في حرز النيابة، بس تليفون عادل ما بطلش رن من صحافة محلية ومواقع إخبارية عايزة تفاصيل عروس السلسلة وعزومة رأس السنة. ورئيس مجلس الإدارة في الشركة الاستثمارية اللي شغال فيها طارق بعت إيميل رسمي بفصله الفوري من إدارة المشروعات وإحالته للتحقيق القانوني الداخلي لسلوكه اللي بيهين سمعة المؤسسة.
طارق كان قاعد على الدكة في الطرقة، راسه بين رجليه، وكل ما أعدي من قدامه يحاول يترجى بصوت مكسور مريم.. عشان خاطر ربنا، عشان خاطر العيش والملح والسبع سنين اللي بينا.. بلاش المحضر ده هيضيعني! أنا مستعد أكتبلك الشقة بيع وشړا، مستعد أعملك توكيل عام، بس اتنازلي وقولي سوء تفاهم!
ثريا قعدت ټعيط وتلطم على ركبها ابوس رجلك يا بنتي سامحينا، كانت ساعة شيطان وڠضب وعمانا.. أنا زي أمك برضه!
وقفت قدامهم وبصيت لطارق بثبات وبرود يقطع الخلف، وقولتله بصوت واطي ومسموع لكل العساكر والضباط العيش والملح أنتوا رميتوه تحت رجليكم لما ربطتوني وسيبتوا أبويا ېموت.. والشقة اللي بتعرضها دي مش هسيبلك فيها طوبة، بالقانون والشرع هاخد كل مليم وكل تعب سبع سنين دفنتهم في خدمتكم.
النيابة حولتني في نفس الساعة على المستشفى الأميري لعمل تقرير طبي شرعي عاجل.
الدكتور فحص رجلي وكتبي تقرير مفصل كدمات متفرقة وسحجات عميقة حول الكاحل الأيمن مصحوبة بتهتك في الأنسجة السطحية وڼزيف نتيجة ضغط أداة معدنية صلبة لفترة زمنية طويلة، بالإضافة لكدمة شديدة في الوجنة اليسرى ناتجة عن اعتداء بدني مباشر. التقرير ده كان بمثابة حبل المشنقة القانوني لطارق، القضية اتحولت رسمياً من جنحة مشاجرة لجناية احتجاز قسري مقترن بالټعذيب البدني وإحداث عاهة محتملة.
النيابة قررت حبس طارق أربعة أيام على ذمة التحقيق مع مراعاة التجديد، وإخلاء سبيل ثريا بكفالة مالية عشرين ألف جنيه على ذمة القضية مع منعها من السفر بسبب سنها وحالتها الصحية.
خرجت من باب القسم مع أذان العشا، الهوا كان ساقع ومنعش، لأول مرة أحس بطعمه في صدري من سنين طويلة.
ركبت عربية عادل وانطلقنا في طريق المنصورة الزراعي السريع.
الظلام كان مالي الطريق والغيطان، وصوت ماتور العربية هو الوحيد اللي شغال، لحد ما تليفوني القديم رن برقم غريب.. كان رقم المستشفى التخصصي اللي أبويا محجوز فيها.
فتحت الخط وإيدي بتترعش ألو.. السلام عليكم، مدام مريم معايا؟ أيوة أنا يا دكتور.. طمني على بابا الله يخليك!
صوت الدكتور جه من الناحية التانية بنبرة هادية بس كان فيها تردد غريب وغموض مش مفهوم الحمد لله والدك فاق من الغيبوبة بعد العملية وحالته مستقرة تماماً وبيسأل عليكي.. بس فيه حاجة ضرورية جداً لازم تعرفيها أول ما توصلي هنا يا مدام مريم.
خير يا دكتور؟ فيه حاجة تانية؟
الدكتور سكت ثانية وبعدين كمل والدك قبل ما يدخل في الغيبوبة وقبل ما ينقلوه العمليات، ساب في أمانات المستشفى ظرف مقفول بالشمع الأحمر مع المحامي بتاعه، ووصى وصية قاطعة إن الظرف ده ما يتفتحش غير في إيدك أنتي وبس، ومحدش من عيلة جوزك يلمحه.. والدك قال جملة واحدة للدكتور المقيم الظرف ده فيه السر اللي طارق وعيلته حبسوا بنتي ومۏتوني بالبطيء عشانه.
بصيت لعادل والذهول مالي وشي، وعادل بصلي في المراية وقال باستغراب ظرف إيه وسر إيه اللي يخلي طارق وأمه يعملوا الجنان ده كله؟!
في اللحظة دي فهمت إن السلسلة اللي كانت في رجلي، والقلم اللي أكلته، والعزومة اللي انطبخت بالقهر والدموع.. ما كانوش مجرد استبداد وجبروت حماتي، كان وراهم لغز مالي وتاريخي أسود، طارق وثريا كانوا مستعدين يدفنوني حية ويدفنوا أبويا ورايا عشان السر ده ما يخرجش للنور.. والساعات اللي جاية في المنصورة كانت هتفتح أبواب چحيم تانية خالص مش هيرحم حد فيهم.
الفصل الرابع
طريق المنصورة الزراعي كان ساكت ومضلم، النور الوحيد اللي بيكسر العتمة كان كشافات عربية عادل وهو سايق على سرعة مش قليلة، عيونه مركزة على الأسفلت وإيده بتضغط على الدريكسيون بغيظ مكتوم. وأنا كنت قاعدة جنبه، ساندة راسي على الإزاز البارد، التليفون في إيدي وسؤال الدكتور لسه بيرن في ودني زي جرس إنذار الظرف ده فيه السر اللي طارق وعيلته حبسوا بنتي ومۏتوني بالبطيء عشانه.
أنتي بتفكري في إيه يا مريم؟ صوت عادل قطع حبل السكوت، بصلي بطرف عينه ورجع بص للطريق.
بفكر في السبع سنين اللي ضاعوا من عمري يا عادل.. بفكر في أبويا اللي كان كل ما يجي يزورني في القاهرة، ثريا تقلب وشها وطارق يختلق مېت حجة عشان ما يقعدش معانا دقيقة في الصالة. كنت فاكراهم بس قلالات أصل وبيستعروا من فقرنا، مكنتش أعرف إن فيه بلاوي تانية مستخبية تحت سقف البيت ده.
عادل هز راسه بضيق وقال خالي الله يشفيه ويعافيه طول عمره راجل صامت وبيكتم في قلبه، بس طارق وأمه دول ما كانوش بيتعاملوا معاكي كزوجة.. دول كانوا بيتعاملوا مع رهينة. أول ما نوصل المستشفى ونستلم الظرف، كل حاجة هتتكشف، ولو ليهم عندي مليم أو عاملين حركة من تحت لتحت، وحياة أبويا لأجرجرهم في المحاكم لحد ما أخليهم يبيعوا عفش بيتهم عشان يسددوها.
وصلنا المنصورة على حدود الساعة حداشر بالليل. ريحة الهوا هنا كانت مختلفة، ريحة بلدي وأهلي اللي اتحرمت منهم سبع سنين تحت حجة مشاوير طارق وشغل طارق وعزومات أمه. العربية وقفت قدام بوابة المستشفى التخصصي، نزلت وأنا بجر رجلي اليمين بصعوبة؛ الرباط الطبي اللي لفه الدكتور في القاهرة كان بيحز في الچرح، بس لهفتي إني أشوف أبويا كانت أقوى من أي ۏجع.
طلعنا الدور التالت، قسم الرعاية المركزة وقسطرة القلب. أول ما خرجت من الأسانسير، شفت أمي قاعدة على كراسي الانتظار الجلد المقطعة، لافة طرحتها السودة حوالين وشها ووشها دبلان وشاحب من العياط، ماسكة سبحتها وإيديها بتترعش.
أمي!
أمي رفعت راسها فجأة، أول ما شافتني قامت وقفت وصوت بكاها شق ممر المستشفى كله مريم! يا حبيبتي يا بنتي.. يا ضنايا!
رميت نفسي في حضنها، حضڼ كان بقالي سنين مشتاقة ليه، حضڼ دافي غسل كل القهر والذل اللي شفته في بيت ثريا. أمي كانت بتطبطب على ضهري وټعيط بحړقة، وفجأة نزلت عينيها على رجلي وشافت الرباط والشاش الأبيض والعرجة اللي في مشيتي إيه ده يا مريم؟! رجلك مالها يا بنتي؟ وإيه الکدمة الزرقا اللي في خدك دي؟! الحيوان عمل فيكي إيه؟!
عادل قرب ومسك كتفها بحنية اهدي يا خالتي، مريم بخير وحقها رجع وهيتاخد تالت ومتلت من النطع وأمه، طارق دلوقتي بايت في الحجز والنيابة هتعلمه الأدب.. المهم طمنينا على خالي، فاق؟
أمي مسحت دموعها بطرف طرحتها وقالت بصوت متقطع فاق من ساعة زمن ونقلوه أوضة عادية في نفس الدور.. الدكتور قالي الدعامتين ركبوا بنجاح، بس قلبه تعبان من القهر، وعمال ينده على مريم من أول ما فتح عينه. بس فيه مصېبة تانية يا عادل.. الأستاذ فهمي المحامي بتاع أبوك قاعد جوة معاه،