قـيدوني بالجنـزير عشـان ما أروحـش لأبـويا ج 2 حكـايات مني السيد

الفصل الخامس
عيني اتسمرت على السطر الأخير في الورقة، والدم هرب من عروقي في ثانية واحدة. الحروف كانت مكتوبة بخط كمبيوتر واضح، بس الإمضاء اللي تحت باللون الأزرق الجاف والبصمة اللي جنبها كانوا أوضح من الشمس.. بصمة وإمضاء منال.. أختي من أبويا!
الدنيا لفت بيا، والأوضة في المستشفى حسيت حيطانها بتضيق عليا وبتكتم نفسي. أمي لاحظت إن لوني اتخطف، فقامت من جنب السرير وجت وقفت ورايا، مالت تبص على الورقة، وأول ما لمحت الاسم، شهقت شهقة خلت الدكتور والممرضة اللي بيغيروا المحلول لأبويا يبصوا علينا بفزع.
يا وقعة سودة ومنيلة! منال؟! منال بنت محاسن؟! هي العقربة دي اللي كانت بتخطط وتساعدهم من ورانا؟!
أبويا على السرير غمض عينه بكسرة ومرارة توجع الحجر، وشه اتعصر من القهر، ودمعة يتيمة نزلت على خده الأبيض المجعد
منال.. الڼار اللي ربيتها في بيتي وكبرتها على إيدي.. السنين اللي فاتت كانت بتجيلي تبوس راسي وتاخد مصاريفها ومصاريف عيالها، وتقولي يا بابا أنا ماليش غيرك في الدنيا، وفي نفس الوقت كانت بتروح تقعد مع ثريا وطارق يخططوا إزاي ينهبوا المصنع ويجردوا أختها من كل مليم!
الأستاذ فهمي قرب وسحب الملف من إيد عادل، وظبط نظارته وهو بيشرح التفاصيل القانونية القڈرة
منال بصفتها أخت مريم الكبيرة من الأب، استغلت إن ليها حق في الإرث الشرعي المستقبلي، وراحت مع ثريا الشهر العقاري في الجيزة من سنتين، وشهدت زور إن الحاج عبد المجيد في حالة عته وخرف غير قادر على إدارة أمواله، وقدّمت شهادة طبية مزورة من مستشفى خاص، وبناءً عليه عملت لطارق توكيل بيع وشراء لنفسه وللغير في كل أراضي جمصة ومخازن الزيوت، في مقابل إن ثريا وطارق يكتبولها عمارة من تلات أدوار في فيصل باسم ولادها ومبلغ اتنين مليون جنيه كاش!
عادل ضړب كفه على الترابيزة بغل
شفتي الۏساخة واصلة لفين يا مريم؟! السلسلة والجنزير اللي اتربطتي بيهم ليلة العزومة ما كانوش بس عشان تطبخي وتخدمي، دول كانوا عارفين إن خالي عبد المجيد هيتكشف أمره في المستشفى وإن الجلطة هتخليه يسلّم الظرف الأصلي اللي بيثبت إن أراضي جمصة متسجلة بشرط مانع من التصرف، فكانوا عايزين يمنعوكي تيجي بأي شكل لحد ما منال وطارق يخلصوا إجراءات نقل الملكية النهائية في مجمع المحاكم يوم الاتنين الصبح!
بصيت للورقة اللي في إيدي، الڠضب اللي كان جوايا ضد طارق وثريا اتحول لبركان ضد أختي اللي من دمي.. الأخت اللي كنت بقاسمها لقمتي، واللي لما جوزها طلقها وسابها بعيالها، وقفت جنبها وأجبرت طارق ياخد باله من طلباتها، وكنت بشتري لعيالها هدوم العيد من مصروفي الخاص!
مسحت عيني، وقولت لعادل بصوت مفيش فيه ذرة تردد
منال هتيجي هنا يا عادل؟
عادل ابتسم بجمود وقال
النيابة العامة أصدرت أمر ضبط وإحضار ليها من نص ساعة، وقوة من مباحث قسم الدقي اتحركت على شقتها في فيصل دلوقتي، ومأمورية تانية رايحة تجيب الدفاتر والسجلات من مكتب الشهر العقاري المتواطئ.. بكرة الصبح الساعة عشرة، المواجهة في مكتب المستشار رئيس نيابة الأموال العامة بالجيزة، والمستشار أمر بحضور الكل طارق، ثريا، منال، وأنتي يا مريم.. ومعانا خالي عبد المجيد بشهادته اللي سجلناها فيديو هنا في المستشفى.
الليلة دي كانت أطول ليلة في عمري كله.
فضلت قاعدة جنب أبويا، ماسكة إيده وهو نايم تحت تأثير المسكنات، وأمي كانت قاعدة على الكنبة بتسبح وتدعي على كل ظالم خان وداس على الأصول. رجلي اليمين كانت لسه ملفوفة بالشاش وبتنبض بالۏجع، بس الۏجع